Fréttir

Umboðsmaður barna í heimsókn hjá 8.- 10. bekk.




Umboðsmaður barna kom í skólann fimmtudaginn 6. október og kynnti sig og embættið fyrir nemendum í 8.- 10. bekk. Sérstaklega var fjallað um réttindi barna og mannréttindi almennt.  Nemendur fengu sérstakt hrós fyrir hve áhugasöm og flott þau voru meðan á kynningunni stóð.

Forvarnardagurinn 5. október.



Forvarnardagurinn var hafður í heiðri í skólanum þann 5. október og að venju eru það 9.bekkirnir sem vinna verkefni um forvarnir gegn fíkniefnum.  Einnig fengu þau kynningu á starfsemi íþrótta- og æskulýðsfélaga í Árborg.


 

Lestrardagbækur að gjöf.


Í síðust viku fengum við góða heimsókn í 7. bekkina þegar þær Elín og Sirrý komu frá FSu að gefa nemendum lestrardagbækur.   Þetta kemur sér mjög vel þar sem nú er að fara af stað lestrarátak hjá bekkjunum. 
Takk kærlega fyrir okkur.

Starfsdagur 7. október

Vegna haustþings kennara á Suðurlandi verður starfsdagur í Sunnulækjarskóla föstudaginn 7. október n.k. og því mæta nemendur ekki til skóla þann dag.  Þingið hefst e.h. fimmtudaginn 6. október og því lýkur kennslu þann dag sem hér segir:


 


1. – 4. bekkur:           kennslu lýkur kl 12:50 og því er engin breyting á skóladegi.


5. – 7. bekkur:           kennslu lýkur kl 13:10


8. – 10. bekkur:         kennslu lýkur kl 13:10

Tenglafundur foreldrafélagsins

Árlegur fundur foreldrafélags Sunnulækjarskóla með tenglum var haldinn þriðjudaginn 20. september s.l.. Fundurinn var mjög vel sóttur og fram komu margar góðar hugmyndir og ábendingar. 

Fundurinn gefur góðar vonir um frábært foreldrastarf í vetur hjá Sunnulækjarskóla.

Frekari upplýsingar um starf foreldrafélagsins og hvað er á döfinni má lesa á upplýsingavef foreldrafélagsins.