Hjálmar á alla í 1. bekk
Kiwanisklúbburinn Búrfell kom og færði öllum 1. bekkingum skólans reiðhjólahjálma að gjöf. Þetta er í 15. sinn sem Kiwanisklúbburinn stendur fyrir slíku verkefni. Eimskip hf. stendur að öllum kostnaði og sér um innflutning hjámanna.
Við þökkum kiwanisklúbbnum Búrfelli og Eimskip góða gjöf.
Valblöð komin á vefinn
Valblöð og upplýsingar um val í 8. -10. bekk næsta vetur má finna undir: Upplýsingar | Val í 8. – 10. bekk
Vorskóli fyrir nýnema
Undanfarna þrjá skóladaga hafa væntanlegir nýnemar við Sunnulækjarskóla verið að kynna sér skólann.
Föstudaginn 8. apríl komu þeir og hittu skólastjórnendur og skoðuðu húsakynnin og aðstöðuna sem þeim verður búin. Mánudag og þriðjudag komu þeir svo og hittu kennara og unnu ýmis verkefni sem tengjast væntanlegri skólagöngu næsta haust.
Við bjóðum nýnemana velkomna í Sunnulækjarskóla.
Stærðfræðikeppni grunnskóla á Suðurlandi
Verðlaunaafhending í Stærðfræðikeppni grunnskóla á Suðurlandi fór fram föstudaginn 25. mars sl. á Skólaskrifstofu Suðurlands.
Sjö keppendur tóku þátt fyrir hönd Sunnulækjarskóla og náið einn af fulltrúum 9. bekkjar verðlaunasæti.
Það var Guðbjörg Hrönn Tyrfingsdóttir sem hreppti 2. sætið í flokki níundu bekkinga.
Við óskum Guðbjörgu til hamingju með árangurinn.
Árshátíðir í Sunnulæk
Núna hafa allir árgangar haldið sína árshátíð. Nemendur hafa staðið sig frábærlega og gestir skemmt sér vel.
Allir nemendur voru sjálfum sér og fjölskyldu til sóma. Við þökkum foreldrum fyrir þeirra liðsinni.
Minnum á vetrarfríið 21.-22. mars.