Foreldrafélag

Við Sunnulækjarskóla er starfrækt foreldrafélag. Í stjórn foreldrafélagsins sitja fimm aðalmenn og tveir varamenn. Aðalfundur er haldinn að hausti ár hvert. Lög foreldrafélagsins og frekari upplýsingar má finna á heimasíðu skólans og einnig viljum við benda á facebook síðu félagsins.

Hlutverk foreldra er að gæta hagsmuna barna sinna, eiga gott samstarf við skólann og taka þátt í námi barnanna. Mikilvægt er að foreldrar upplýsi starfsmenn skólans um atriði sem geta haft áhrif á líðan barnsins í skólanum.

Á hverju skólári eru skipaðir tveir bekkjartenglar Í hverjum bekk.  Starf þeirra snýst um að vera tengiliðir foreldra hvers árgangs og skipuleggja viðburði fyrir árganginn.