Í nóvember stóð Íþrótta- og Ólympíusamband Íslands fyrir landsátaki í sundi. Syndum er heilsu- og hvatningarátak sem höfðar til allra landsmanna. Markmiðið með Syndum er að hvetja almenning til þess að hreyfa sig oftar og meira í sínu daglega lífi og nota meðal annars sund til þess. Íþróttakennarar voru hvattir til að skrá skólann til þátttöku og hvetja börnin til þess að vera dugleg að hreyfa sig. Við í Sunnulækjarskóla skráðum okkur að sjálfsögðu til leiks og voru vegalengdirnar hjá börnunum misjafnar eftir aldri og getu barnanna , allt frá 200 m upp í 1,0 km. Samtals syntu börnin í Sunnulækjarskóla 177700 m. Vegalengdin safnast svo saman í landsátakinu öllu, í fyrra náðist að synda rúmlega 24 hringi í kringum landið svo það er spurning hvort að hringirnir verði fleiri þetta árið. Syndum verkefnið gekk mjög vel hjá Sunnulækjarskóla og vonandi að átakið hafi gert öllum gott.