Senn líður að jólum og nú eru aðeins nokkrir dagar til Litlu jóla. Nemendur hafa skreytt svæðin sín og sameiginlegu rýmin svo það er mjög jólalegt um að litast í skólanum.
Litlu jólin í Sunnulækjarskóla verða enn og aftur með nokkuð öðru sniði í ár vegna gildandi takmarkana í samfélaginu. Það verða stofujól þar sem nemendur hvers umsjónarhóps munu eiga notalega jólastund með kennaranum sínum föstudaginn 17. desember á sínu umsjónarsvæði . Nemendur mæta allir á sama tíma og ljúka á sama tíma.
Allir nemendur mæta rétt fyrir kl 10:00 og stofujólin hefjast stundvíslega kl 10:00 og þeim lýkur kl 11:00. Á stofujólum verður boðið upp á jólakakó og piparkökur.
Þennan dag mæta börnin einungis á stofujólin sem munu taka um 60 mínútur.
Frístundaheimilið Hólar verður opið frá kl. 7:45 til 16:30 þennan dag og verður þeim börnum sem þar dvelja fylgt á stofujól á réttum tíma. Þau börn sem fara á frístundaheimilið eftir skemmtun munu borða í skólanum.
Byrjum aftur 4. janúar 2022
Skólahald Sunnulækjarskóla mun svo hefjast að nýju þriðjudaginn 4. janúar samkvæmt stundaskrám.
Starfsfólk Sunnulækjarskóla þakkar fyrir samstarfið á árinu sem er að líða og óskar nemendum og fjölskyldum þeirra gleðilegra jóla og farsældar á komandi ári.