Hermann

Kæru foreldrar og forráðamenn barna í verðandi 1. bekk í Sunnulækjarskóla. Við viljum bjóða ykkur og börnum ykkar í klukkustundar heimsókn í Sunnulækjarskóla miðvikudaginn 3. júní kl. 14:30. Við ætlum að taka á móti ykkur í Fjallasal sem er miðrými skólans og ræða við ykkur og börnin áður en við förum í göngutúr um skólabygginguna […]

Sigurvegari keppninnar í ár var Jón Heiðar Grétarsson úr Sunnulækjarskóla, í öðru sæti var Katla Margrét Ægisdóttir úr Stekkjaskóla og í þriðja sæti var Vigdís Birta Veigarsdóttir einnig úr Stekkjaskóla. Sigurvegararnir fengu að launum glæsilegar bókagjafir sem Bragi Bjarnason bæjarstjóri afhenti. Sjá frétt á heimasíðu Árborgar

Sunnulækjarskóli tók bæði gull og silfur í eldri flokki á Suðurlandsmóti í skák á Flúðum. Sjá frétt á skák.is

Í síðustu viku fékk Setrið skemmtilega heimsókn frá Lionsklúbbi Selfoss. Lions menn komu færandi hendi með styrk upp á 150.000 krónur sem mun nýtast vel í söfnun fyrir Prowise Skjá.  Allir nemendur Setursins tóku á móti þessum herramönnum frá Lions og voru nemendur til fyrirmyndar og sýndu þessu mikinn áhuga. Setrið og Sunnulækjarskóli þakka Lionsklúbbi

Innritun barna sem eru fædd árið 2020 og eiga að hefja skólagöngu í Sveitarfélaginu Árborg haustið 2026 hefst 9. febrúar næstkomandi. Innritun fer fram á https://island.is/umsoknir/grunnskoli og hefst úrvinnsla umsókna um miðjan febrúar. Nánari upplýsingar um grunnskólana í Árborg, ásamt skráningu í mötuneyti og frístund má finna á vefsíðu Árborgar. Upplýsingar um innritun er hægt að fá í

Rýmingaræfing gekk vel í morgun og tók ekki nema rúmar 11 mínútur að tæma skólann og taka manntal af öllum nemendum og starfsmönnum. Mikil stemning hefur verið síðustu daga í tengslum við EM í handbolta og náði hámarki í dag þegar lagið var tekið í Tröllatröppum skólans. https://www.facebook.com/reel/3085850064912289

Eftirfarandi gildir um grunnskóla Sveitarfélags Árborgar:  Röskun verður á leik- og grunnskólastarfi fimmtudaginn 6. febrúar. Hefðbundið skólahald fellur niður. Starfsemi í leik- og grunnskólum verður mikið skert, þeir halda úti lágmarksmönnun og taka á móti börnum í brýnni neyð. Það ber að tilkynna um komu barnanna í leik- og grunnskólann með tölvupósti.