Kæru foreldrar og forráðamenn
Boðaður er aðalfundur foreldrafélags Sunnulækjarskóla fimmtudaginn 2. nóvember kl. 17:30 í Fjallasal Sunnulækjarskóla.
Markmið félagsins eru að:
– styðja skólastarfið og efla tengsl heimilis og skóla
– að efla samstarf og samstöðu foreldra innbyrðis
– koma á umræðu og fræðslufundum um uppeldis- og fræðslumál
– vinna að heill og hamingju nemenda Sunnulækjarskóla
– koma á framfæri sjónarmiðum foreldra varðandi starfsemi Sunnulækjarskóla
– styðja félags- og menningarstarf innan Sunnulækjarskóla
Dagskrá aðalfundar:
- Óskað er eftir áhugasömum einstaklingum til að gefa kost á sér í stjórn félagsins.
- Farið yfir hlutverk félagsins og aðkomu að tenglastarfi árganga.
- Helstu verkefni vetrarins kynnt með hliðsjón af hefðum fyrirliggjandi óskum úr skólasamfélaginu.
- Opnar umræður og hugmyndavinna sem styður við markmið félagsins.
Félagsgjald:
Gjald í foreldrafélagið verður 2.000 kr. fyrir skólaárið 2023-2024.
Gjaldið er fyrir hvert heimili, þannig að þeir sem eiga fleiri en eitt barn í skólanum greiða aðeins einu sinni og verður gjaldið innheimt af foreldrafélaginu með valgreiðslu í heimabanka.
Það er ekki skylda að greiða í foreldrafélagið, en gjald þetta gerir félaginu kleift að fjármagna fræðslufundi, kynningar og aðrar uppákomur sem félagið stendur fyrir á skólaárinu, nemendum og öðrum til ánægju og fræðslu.
Foreldarsamstarf er órjúfanlegur hluti af skólabrag og menningu sem við viljum standa vörð um og styrkja í Sunnulækjarskóla. Við hvetjum þig til að mæta og taka þátt í starfinu með okkur.
Með fyrirfram þökk, stjórn Foreldrafélags Sunnulækjarskóla.
https://sunnulaek.is/foreldrar/foreldrafelag/
Sjá einnig heimasíðu félagsins undir Foreldrafélag Sunnulækjarskóla á facebook