Þann 20. apríl fengum við Þorstein V. Einarsson til að vera með fyrirlestur í unglingadeild sem ber heitið Karlmennskan. Þorsteinn er menntaður kennari með meistaragráðu í kynjafræði frá Háskóla Íslands en starfaði lengi sem forstöðumaður og deildarstjóri félagsmiðstöðva í Reykjavík. Frá því í lok árs 2018 hefur hann starfað við fyrirlestra, pistla og greinaskrif og þáttagerð um karlmennsku og jafnréttismál. Markmiðið er að varpa ljósi á íhaldssamar ráðandi karlmennsku hugmyndir, hreyfa við þeim, skapa jákvæðari karlmennsku og styðja í leiðinni við jafnrétti í íslensku samfélagi.
![](https://sunnulaek.is/wp-content/uploads/2021/04/Jakvaed-karlmennska.jpg)