Súpu- og fræðslufundur fyrir foreldra

Hvernig líður börnunum okkar?

Súpu- og fræðslufundur fyrir foreldra

Heimili og skóli og Rannsóknir og greining, í samstarfi við Samborg, FSu og grunnskóla í Árborg, bjóða upp á fræðslu í FSu fyrir foreldra nemenda í 8.-10. bekk og ungmenna yngri en 18 ára miðvikudaginn 8. nóvember kl. 18-20. Lýðheilsusjóður og Velferðarsjóður styrkja verkefnið og gera samtökunum kleift að bjóða upp á fræðsluna endurgjaldslaust í nokkrum sveitarfélögum.

Hvernig líður börnunum okkar? Margrét Lilja Guðmundsdóttir, sérfræðingur hjá Rannsóknum og greiningu  og kennari á íþróttafræðisviði Háskólans í Reykjavík, fjallar um niðurstöður rannsókna meðal barna og unglinga í Árborg.

Foreldrar skipta máli. Bryndís Jónsdóttir verkefnastjóri hjá Heimili og skóla fjallar um mikilvægi foreldra í forvörnum og 18 ára ábyrgð.

Á fundinum verður boðið upp á gómsæta súpu og vonast samstarfsaðilar til að sjá sem flesta foreldra/forráðamenn.

Samborg – samtök foreldrafélaga í Árborg