Vordagar í Sunnulækjarskóla
Dagana 6. og 7. júní eru vordagar í Sunnulækjarskóla. Fyrri dagurinn er skipulagður sem sérstakur bekkja- eða árgangadagur þar sem kennarar skipuleggja, göngu- eða hjólaferðir, heimsóknir í stofnanir og fyrirtæki eða annað álíka.
Seinni daginn, 7. júní, verður “Litríki vordagurinn”. Sá dagur einkennist af samvinnu alls skólasamfélagsins, nemenda, starfsmanna og foreldra. Við óskum sérstaklega eftir þátttöku foreldra þennan dag og biðjum þá að mæta með börnum sínum og taka þátt í deginum hafi þeir tök á. Megin atriði þessa dags er 600 manna skrúðganga um nágrenni skólans sem leggur af stað frá skólanum kl. 8:50 um morguninn og síðan leikir og skemmtun eftir frímínútur og endað með grilluðum pylsum í hádeginu.
Skólaslit og útskrift 10. bekkjar
Skólaslit verða miðvikudaginn 8. júní. Athöfnin verður í þrennu lagi.
- 09:00 skólaslit 1. – 4. bekkur
- 11:00 skólaslit 5. – 9. bekkur
- 15:00 útskrift 10. bekkur
Við hvetjum foreldra til að koma með börnum sínum á skólaslitin og útskriftina.