Hinsegin vika í Árborg

Vikuna 26. febrúar – 1. mars fer fram hinsegin vika í Árborg. Þema vikunnar er fræðsla og sýnileiki.

Það verður ýmislegt á döfinni þessa vikuna þar sem stofnanir og fyrirtæki sveitarfélagsins eru hvött til að taka þátt með ýmsum hætti.

Fyrstu bekkingum í öllum skólum Árborgar verður færð bókin „Vertu þú!“ að gjöf

Bókin segir litríkar sögur af fjölbreytileikanum og hvetur til fordómaleysis og víðsýni. Höfundar bókarinnar eru Ingileif Friðriksdóttir og María Rut Kristinsdóttir.

 

Sólveig Rós verður með TEAMS fræðslu sem er opin öllum mánudaginn 26. febrúar og hefst hún klukkan 20:00 Hér er hlekkur á fræðsluna: Hinseginleikinn | Fræðsla með Sólveigu Rós | Viðburðadagatal | Sveitarfélagið Árborg (arborg.is)

Sólveig Rós er foreldra- og uppeldisfræðingur með sérhæfingu í hinsegin málum og fjölbreytileika. Hún hefur starfað um árabil við hinsegin málefni og farið með fræðslu á fjölda vinnustaða, skóla og til annarra hópa.

 

Þau sem vilja afla sér upplýsinga um málefni hinseginleikans hvetjum við til þess að skoða heimasíðuna Ö-A. https://otila.is/

Ef spurningar vakna endilega hafið samband.

Fyrir hönd forvarnateymis Árborgar

Ellý Tómasdóttir
Forvarnarfulltrúi
elly.t@arborg.is