Þriðjudaginn 13. september hlupu nemendur Sunnulækjarskóla hið árlega Norræna Skólahlaup.
Vegalengdin er misjöfn eftir aldri en 5.-10. bekkur geta valið um fjórar vegalengdir, 2,5 km, 5 km, 7,5 km eða 10 km. Yngri nemendur fara allt frá 1,0 km upp í 2,5 km.
Nemendur ráða sínum hraða, fyrst og fremst lögð áhersla á holla hreyfingu og að allir taki þátt. Metnaðurinn var mikill hjá mörgum börnunum og voru það til að mynda um 30 nemendur sem að kláruðu 10 km hlaup sem er frábært.
Stemningin var góð, þrátt fyrir rok, spiluð var tónlist til hvatningar á leiðinni og höfð vatnstöð sem er nýbreytni í ár.
