Fréttasafn

Miðvikudaginn 23. nóvember verður foreldrafundur kl. 20:00 í Sunnulækjarskóla. Þar verður sérstaklega rætt um skaðsemi og kostnað munn- og neftóbaksneyslu.

Hallur Halldórsson tannlæknir mætir á fundinn og fjallar um skaðsemi slíkrar neyslu fyrir tennur og tannhold og gerir grein fyrir viðgerðarkostnaði.

Á fundinum verður einnig farið í helstu forvarnarmálin sem brenna á okkur og foreldrum gefinn kostur á að koma með ábendingar og spurningar til forvarnarhóps Árborgar.

Þá er netfréttabréf forvarnarhóps sveitarfélgasins komið út og má nálgast hér.

Þær Ragna og Kristín frá Snyrtistofunni Evu komu til okkar í kennslustund og kenndu okkur ýmislegt varðandi snyrtifræði, umhirðu húðar og förðun.

Við þökkum þeim kærlega fyrir komuna.

Nemendur í 2. bekk eru að vinna með bílinn í skemmtilegu þemaverkefni .

Þriðjudagurinn 15. nóvember, er starfsdagur í Sunnulækjarskóla.  Þennan dag munu kennarar nota til að ganga frá námsmati haustannar. Nemendur mæta því ekki í skólann þann dag. Skólavist er opin en skrá þarf börn sérstaklega þennan dag.

Námsmatsblöð haustannar verða send heim með nemendum miðvikudaginn 16. nóvember.

Foreldrar og nemendur mæta í viðtöl fimmtudaginn 17. nóvember. Fundarboð með nákvæmri tímasetningu viðtala verður sent heim föstudaginn 11. nóvember. Nemendur mæta með foreldrum sínum í viðtölin en eru ekki í skólanum þann dag að öðru leyti. Skólavist er opin en skrá þarf börn sérstaklega þennan dag.

Nemendafélagið ætlar að selja kaffi, kakó og vöfflur til styrktar félaginu.  Þar sem ekki er unnt að taka við greiðslukortum biðjum við foreldra að hafa með sér lítilræði af peningum til að kaupa sér hressingu af nemendum.

Vinabekkir hittust í dag.

Allir nemendur í Sunnulækjarskóla eiga vini.

Í dag var rýmingaræfing í skólanum sem tókst mjög vel.  Nemendurnir voru til fyrirmyndar, róleg og yfirveguð og fóru að öllum fyrirmælum.

Bleikur er flottur.

Það var gaman í náttúrufræðitíma.

Þemadagar voru bæði skemmtilegir og áhugaverðir. Nemendur stóðu sig frábærlega.

Nemendur í 2. bekk vinna saman.

Umboðsmaður barna kom í skólann fimmtudaginn 6. október og kynnti sig og embættið fyrir nemendum í 8.- 10. bekk. Sérstaklega var fjallað um réttindi barna og mannréttindi almennt.  Nemendur fengu sérstakt hrós fyrir hve áhugasöm og flott þau voru meðan á kynningunni stóð.

Forvarnardagurinn var hafður í heiðri í skólanum þann 5. október og að venju eru það 9.bekkirnir sem vinna verkefni um forvarnir gegn fíkniefnum.  Einnig fengu þau kynningu á starfsemi íþrótta- og æskulýðsfélaga í Árborg.