Fréttasafn

Í síðustu viku var kertasund í öllum sundtímum.  Þá synda nemendur með logandi kerti í sundlauginni og hlusta á jólalög.  Mikil stemming var í sundlauginni þegar kertaljósin spegluðust í gáróttu vatninu.

Nemendur í 8., 9. og 10. bekk Sunnulækjarskóla mættu í smákökumaraþon í skólanum s.l. fimmtudagskvöld og bökuðu smákökur allt hvað af tók.

Að loknum bakstrinum voru komnar um 5.500 smákökur.  Nemendurnir færðu síðan eldri borgurum í Grænumörk, dvalargesturm í Vinaminni, Selfosskirkju og félagsþjónustu Árborgar kökurnar að gjöf með góðum óskum um gleðileg jól.

Óhætt er að segja að framtakið gladdi bæði gefendur og þiggjendur og skapar samstöðu og hlýhug í anda jólanna.

Sérstakir vinadagar eru í Sunnulækjarskóla á hverju ári og hefjast þeir yfirleitt í byrjun desember.  Þá eru mynduð vinatengsl milli eldri og yngri nemenda skólans.

Í dag var skreytingadagur í Sunnulækjarskóla.  Dagurinn hófst með sameiginlegri söngstund í Fjallasal en síðan gengu nemendur til þess verks að búa skólann í jólabúning. 

Allt jólaskrautið sem safnast hefur frá fyrri árum var dregið fram og því komið fyrir á þeim stöðum sem vera ber auk þess sem mikið var föndrað og framleitt af nýju skrauti.

Föstudaginn 26. nóvember verður skreytingadagur. Þá mun öll hefðbundin kennsla (þ.m.t. íþróttir og verkgreinar) verða lögð til hliðar. Nemendur vinna á stöðvum en í boði verður m.a. föndurstöð, spila- og leikjastöð, íþróttastöð og stílistastöð, en nemendur á þeirri stöð bera ábyrgð á að skreyta skólann þennan dag.

Hin árlega söngkeppni FSu verður haldin næstkomandi fimmtudagskvöld í Iðu.  Af því tilefni komu þrír nemendur FSu í heimsókn í Sunnulækjarskóla, fluttu nokkur lög og kynntu keppnina.

Í morgun fengu nemendur í 1., 2., 5. og 6. bekk heimsóknir frá vinaþjóðum okkar í austri og vestri, Færeyjum og Grænlandi.

Nemendum Sunnulækjarskóla gefst kostur á að læra um hár og förðun í vali. S.l. fimmtudag fór hópurinn í heimsókn á hársnyrtistofuna Krítik.

Söngkeppni félagsmiðstöðvarinnar Zelsíuz var haldin föstudaginn 22. október s.l. Skemmst er frá því að segja að í þremur efstu sætunum lentu stúlkur úr Sunnulækjarskóla.

Fimmtudaginn 28. október, kl. 20 í Sunnulækjarskóla

Á fræðslufundinn koma fulltrúi lögreglunnar, fulltrúi
forvarnahóps Flott fyrirmynd og fulltrúi sveitarfélagsins.
Málefni fundarins verða m.a.:

Fíkniefni og áfengisneysla
Forvarnastarf
Foreldrarölt

Þemadagar standa nú yfir hjá okkur í Sunnulækjarskóla dagana 20. og 21. október. Á þessum dögum fræðast nemendur um umhverfið sitt og skoða það í víðum skilningi.

Skólatími þessa daga verður sem hér segir:
1. -4. bekkur: Venjulegur skólatími
5. -7. bekkur: Skóladegi lýkur kl. 12.00
8. 10. bekkur: Skóladegi lýkur kl. 12:30.

Í morgun æfðum við rýmingu skólahússins samkvæmt fyrirliggjandi rýmingaráætlun. 

Áætlunin gerir ráð fyrir að þegar rýma þurfi húsið fylgi hver nemendahópur kennara sínum út um næsta neyðarútgang í tvöfaldri röð og safnist síðan saman á fyrirfram ákveðnum stað á skólalóðinni.  10 manna hópur starfsmanna er í hlutverki “eftirreka” sem fara yfir öll svæði skólahússins og tryggja að hvergi sé nemandi eða starfsmaður sem eftir sitji.