Hermann

Nemendur í 3. bekk í hönnun og smíði eru miklir listamenn hér er fríður og glaðvær hópur með eitt af verkum sínum á smíðaverkstæðinu eins og við köllum smíðastofuna okkar.   

Það er líf og fjör hjá strákunum í 4. bekk í útinámi og leikni – hér er verið að fá sér heitt  kakó og poppa popp. Nú er komið að smiðjuskiptum og  ný verkefni til að takast á við í öðrum verkgreinum.  

Í dag fór 5. bekkur Sunnulækjarskóla í heimsókn til leikskólabarna á Hulduheimum og las fyrir þau upphátt úr barnabókum.  Nemendurnir skiptu sér á deildir og lásu fyrir misstóra hópa sem greinilega höfðu mjög gaman af.  Börnin sátu stillt og prúð og hlýddu á „stóru krakkana“.  5. bekkingar stóðu sig með prýði og voru sæl með daginn.

Í tilefni af degi íslenskrar tungu hittust nemendur í 1. bekk og 6. bekk og áttu góða stund saman.  Þessir tveir bekkir eru vinabekkir. Nemendur 6. bekkjar hlustuðu á nemendur í 1. bekk lesa og kvittuðu fyrir lestrinum í þar til gerð kvittanahefti. Þá lásu eldri nemendurnir fyrir þau yngri og svo var spilað og spjallað

Nemendur í 9. og 10. bekk starfalæk kynntu sér nám, störf og verkefni lögreglunnar á Suðurlandi. Hermundur Guðsteinsson vaktsjóri tók á móti hópnum og fræddi þau um starfið – hvað þarf til að vera góður lögreglumaður/kona. Heimsóknin var áhugaverð og fræðandi. Við þökkum lögreglunni kærlega fyrir góðar móttökur.

Nemendur í 9. bekk eru að læra um mannslíkamann og um þessar mundir er þau að læra um öndunarfæri mannsins. Hér eru áhugasamir nemendur að kryfja öndunarfæri úr svínum.