Fréttasafn
Fréttir frá Sunnulækjarskóla
Kynning á FSu og ML
Þriðjudaginn 31. janúar var haldinn kynningarfundur í Sunnulækjarskóla á tveimur framhaldsskólum, Fjölbrautarskóla Suðurlands og Menntaskólanum á Laugarvatni. Það voru námsráðgjafar skólanna sem komu ásamt fulltrúum nemenda og kynntu skóla sína fyrir nemendum 10. bekkjar Sunnulækjarskóla og foreldrum þeirra.Fundurinn var vel sóttur og greinilegt að […]
Lestarhestar í 3.bekk
Nemendur í 3. bekk hafa verið afar duglegir að lesa um þessar mundir, en þeir taka nú þátt í sérstöku lestarátaki sem stendur yfir í 6 vikur á miðönn. Markmið þess er:-að þjálfa áheyrilegan lestur-að efla lesskilning og lestarleikni-að auka […]
Þorrinn boðinn velkominn
Í morgun var söngstund í Fjallasal í tilefni bóndadags og upphafs Þorra. Allir nemendur skólans hófu skóladaginn með því að setjast í Þingbrekkuna og syngja saman nokkur lög. Nemendur úr 5. bekk sáu um forsöng ásamt hljóðfæraleikurum og söngfuglum úr starfsliði […]
Val hjá 8.-10.bekk
Í næstu viku fer nýtt val á stað. Nemendur skoða nýtt val og ræða það við umsj.kennara.
Bílaþema hjá 2. bekk
Í vetur höfum við í 2. bekk verið að kynna okkur bíla og allt sem að þeim snýr.
Stjörnuskoðun í 5. bekk
5. bekkur fór út í stjörnuskoðun í morgun.
Kveikjan var stjörnukort sem nemendur fengu gefins frá stjörnuskoðunarfélaginu. Við fórum út vopnuð kíkjum og vasaljósum, gengum útfyrir bæinn þar sem minni ljósmengun var og lögðumst í snjóinn.
Svo reyndum við að finna stjörnumerki og greina þau.
Jólasögur í 2. bekk
Í dag var jólasögudagur í 2. bekk. Nemendur sömdu sínar eigin jólasögur um sín eigin jól og fluttu fyrir skólafélaga sína.
Jólasögurnar fjölluðu um jólamánuðinn, allt frá þrifum (gluggaþvottur með ediki og sápu), yfir í sjálft jólahaldið. Nemendur voru afar áhugasamir um að tala í pontu og stóðu sig allir vel.
Smákökumaraþon hjá 8.- 10. bekk.
Nemendur í 8.- 10. bekk héldu árvisst smákökumaraþon í skólanum 8. desember sl. með dyggri aðstoð foreldra og kennara. Nemendafélagið skipuleggur viðburðinn en María Maronsdóttir, heimilisfræðikennari, hefur yfirumsjón með bakstri og reglusemi í eldhúsinu.
Afraksturinn var svo gefinn til góðra málefna í Árborg og voru um 200 smákökupokar afhentir kirkjunni og um 100 pokar á Grænumörk.
Skemmtilegur skreytingadagur 2. desember
Skreytingadagurinn hófst með jólasöngstund í Fjallasal og svo var farið inn á kennslusvæðin þar sem margvísleg og skemmtileg verkefni voru í boði. Skólinn var skreyttur hátt og lágt svo nú er jólalegt um að litast hjá okkur.
Skreytingardagur í Sunnulækjarskóla
Föstudaginn 2. desember verður skreytingadagur í Sunnulækjarskóla. Þá mun öll hefðbundin kennsla (þ.m.t. íþróttir og verkgreinar) verða lögð til hliðar. Nemendur vinna á stöðvum þar sem ýmislegt verður í boði föndur og fleira.
Af þessu tilefni bjóðum við þeim foreldrum sem hafa tök á, að koma og vera með okkur þennan dag og aðstoða við vinnuna. Þeir sem ekki hafa tök á að vera með okkur allan daginn eru velkomnir til að kíkja við og aðstoða í skemmri tíma yfir daginn.
Að venju hefjum við daginn með söngstund þar sem allir nemendur og starfsfólk skólans koma sér fyrir í Fjallasal og syngja saman nokkur jólalög. Gaman væri ef allir geta klætt sig í rautt og þeir sem vilja mega koma með jólasveinahúfu.
Vinsamlegast athugið að þennan dag lýkur kennslu hjá 1. – 5. bekk kl. 12:50, og hjá 6. – 10. bekk kl. 12:00
Aðalfundur FÁS, foreldrasamtaka á Suðurlandi
Aðalfundur FÁS, foreldrasamtaka á Suðurlandi verður haldinn í Bókasafninu, Brautarholti á Skeiðum í kvöld 28. nóvember kl.20:30
Dagskrá
Venjuleg aðalfundarstörf.
- Kjósa þarf 5 manna stjórn.
- Formenn foreldrafélaga leggja fram ársskýrslur 2010.
- Önnur mál.
Kaffiveitingar og allir foreldrar/forráðamenn velkomnir
Mætum vel
Stjórn FÁS
Vinaheimsóknir í Sunnulækjarskóla
Í Sunnulækjarskóla eru skipulögð vinatengsl milli yngri og eldri nemenda. Í vetur notuðum við dag gegn einelti til að hefja það verkefni. Þessa dagana eru vinabekkirnir að gera margt skemmtilegt til að gleðja vini sína.
Nemendur í 7. bekk buðu vinum sínum í 2. bekk í heimsókn í heimilisfræðitíma og buðu upp á vöfflur með sultu og rjóma og kakó.
Vinirinir glöddust saman og áttu skemmtilega stund.