Hermann

Í síðustu viku heimsóttu nemendur í Starfalæk Brunavarnir Árnessýslu þar sem Kristján Einarsson slökkviliðsstjóri tók á móti þeim. Kristján ræddi við nemendur m.a. um starfsemi stofnunarinnar, mannauðinn, starfið og búnaðinn.  Heimsóknin var mjög áhugaverð og voru nemendur ánægðir með heimsóknina sem lauk með heimkeyrslu á mannskapsbíl Brunavarna Árnessýslu. Við þökkum Kristjáni  og starfsfólki Brunavarna kærlega fyrir góðar móttökur.

Það er alltaf gaman að fara út í Vinaskóg (fyrir framan Sunnulækjarskóla) – þar er uppspretta könnunar og leikja.  Nemendur í 4. bekk í útinámi og leikni nutu þess að tálga og kanna lífríkið í skóginum.

Í síðustu viku hjóluðu nemendur í 5. bekk í útinámi og leikni í Jarðskjálftamiðstöðina. Þar tók Elínborg Gunnarsdóttir á móti hópnum og fræddi þau um starfsemi stofnunarinnar. Einnig ræddi hún um áhrifum skjálfta á mannvirki og öryggi.

Í dag var boðið upp á nýjar kartöflur í matinn sem nemendur á miðstigi í útinámi og leikni settu niður í vor.  Uppskeran er nokkuð góð og voru nemendur og starfsfólk ánægt með að hafa nýjar kartöflur með silungnum. Þessir vösku drengir í 7. bekk tóku upp kartöflur og færðu mötuneytinu fyrstu uppskeruna.  

Í dag er dagur íslenskrar náttúru.  Nemendur í 5. bekk gerðu sér glaðan dag og fóru út til listsköpunar.

Undanfarið hefur 5. bekkur farið í útistærðfræði í hverri viku. Nemendur fást þá við verkefni sem tengjast markmiðum í stærðfræði hverju sinni og í takt við viðfangsefnin í námsbókunum.  Þeir láta veður ekkert stoppa sig og hafa gaman af að takast á við verkefnin.  Í dag var unnið með negatívar tölur og lærðu nemendur með

… í hverri saumavél í textílstofunni okkar. 4. bekkur er að æfa vélsaum af miklum ákafa og unun á að horfa hve áhuginn skín úr hverju andliti.