Hermann

Í morgun komu tveir fulltrúar foreldrafélags Sunnulækjarskóla færandi hendi með nýtt borðtennisborð.  Gamla borðið var orðið laskað af mikilli notkun og því kemur gjöfin að góðum notum. Á meðfylgjandi mynd má sjá fulltrúa foreldrafélagsins, Óskar og Hönnu Rut ásamt Kristni Gamalíel sem aðstoðaði við samsetningu og skólastjóra.

Kl. 9 á þriðjudagsmorgni hlustuðu 520 nemendur ásamt kennurum og starfsfólki á Eyþór sem bjó til einn af stærri kórum landsins en nemendir skólans tóku hraustlega undir með honum. Að söng loknum komst Eyþór hvorki afturábak né áfram þar sem hann var umkringdur nemendum sem vildu fá eiginhandaáritun og gaf hann sér góðan tíma til að allir

Fimmtudaginn 31. október heimsótti 2. bekkur bílaverkstæðið ICECOOL.   Á verkstæðinu fengu þau höfðinglegar móttökur, fræðslu og smákökur. Nemendur voru til fyrirmyndar, áhugasamir og kurteisir. Heimsóknin var liður í þemaverkefni um bíla og tókst mjög vel.        

Vikuna 24.-30. september fengu nemendur Sunnulækjarskóla skemmtilega heimsókn. Landsliðmaðurinn og yfirþjálfari taekwondo deildarinnar á Selfossi, Daníel Jens Pétursson heimsótti alla árganga og kynnti fyrir þeim Taekwondoíþróttina.  Daníel kom í íþróttatíma og sýndi nemendum grunnatriðin í íþróttinni sem hentar fyrir allan aldur. Framtakið mæltist vel fyrir og skemmtu börnin sér vel.

Í síðustu viku tókum við í notkun nýtt útikennslueldhús við skólann.  Fyrir eigum við eldunaráhöld sem foreldrafélagaið gaf skólanum og eldunarþrífót með steikarpönnu.  Nú hafa bæst við tvö vönduð eldstæði sem komið hefur verið fyrir, framan við heimilsfræðistofuna. Vegna nálægðar eldstæðanna við heimilsfræðistofuna er mjög hægt um vik að flétta notkun þeirra inn í heimilsfræðikennsluna.